ურთიერთშეთანხმების მემორანდუმი

საქართველოში სოციალურ საკითხებზე ორიენტირებული ორგანიზაციების საარსებო გარემოს გაუმჯობესების შესახებ

1. აღნიშნული მემორანდუმი წარმოადგენს ხელმომწერი ორგანიზაციების კეთილი ნების გამოვლენას, სოციალურ საკითხებზე ორიენტირებული ორგანიზაციების საარსებო გარემოს გაუმჯობესების მიზნით, ურთიერთთანამშრომლობაზე შეთანხმების შესახებ.
2. ხელმომწერი ორგანიზაციები აცნობიერებენ რა დეინსტიტუციონალიზაციის, როგორც მოსახლეობისათვის სოციალური სერვისების მიწოდების ეფექტური მექანიზმის მნიშვნელობას, ამ სფეროში ერთიანი ეფექტური სახელმწიფო პოლიტიკის შემუშავების და ამ პროცესში საზოგადოებრივი ორგანიზაციების ჩართულობის აუცილებლობას, თანხმდებიან:

ა) განახორციელონ ერთობლივი მიზანმიმართული ქმედებები ქვეყანაში დეინსტიტუციონალიზაციის ეფექტური სახელმწიფო პოლიტიკის შემუშავების პროცესის ხელშეწყობის მიზნით;
ბ) იმოქმედონ ერთობლივად, რათა უზრუნველყოფილ იქნას ხელისუფლების ორგანოებთან თანამშრომლობის მაღალი ხარისხი და ზემოთ აღნიშნულ პროცესებში საზოგადოებრივი ორგანიზაციების მაქსიმალური მონაწილეობა;
გ) უზრუნველყონ ეფექტური საკანონმდებლო აქტების შექმნა და ლობირება;
დ) ხელი შეუწყონ სწორი საზოგადოებრივი აზრის ფორმირებას ამ ტიპის ორგანიზაციების შესახებ;
ე) ხელი შეუწყონ ამ სფეროში არსებული ორგანიზაციების შემდგომ ინსტიტუციონალურ განვითარებას და ახალი ორგანიზაციების შექმნას;
ვ) გაცვალონ ინფორმაცია და გაუზიარონ ერთმანეთს დაგროვილი გამოცდილება

3.  ხელმომწერი ორგანიზაციები თანხმდებიან, რომ მოცემული დოკუმენტი ღიაა და მას შეიძლება შემოუერთდეს ნებისმიერი ორგანიზაცია ან კერძო პირი, რომელიც გამოთქვამს მზადყოფნას თავისი წვლილი შეიტანოს დოკუმენტით განსაზღვრული მიზნის მიღწევაში.