აქტივობების და ინფორმაციის არქივი

მიმდინარე წლის 17 სექტემბერს, ეკონომომიკური განვითარების პროგრამის ფარგლებში ქ. ბათუმში გაიმართა ბაზრობა, რომელზედაც გამოტანილ იქნა სოფლის მეურნეობის განვითარების პროექტის პირველი წლის მოსავალი. აქციაში მონაწილეობა მიიღო 21 ბენეფიციარმა მთიანი აჭარიდან. სარეალიზაციოდ გამოტანილ იქნა 8 ტ. კარტოფილი, 1.5 ტონა პომიდორი და 25 კგ. თაფლი.

აღსანიშნავია, რომ ბაზრობაზე გამოტანილი პროდუქცია ხარისხობრივი თვალსაზრისით მნიშვნელოვნად აღემატებოდა ბაზარზე არსებულ პროდუქციას, რამაც თავისი დადებითი გავლენა იქონია ფასზე. როგორც ბენეფიციარები აღნიშნავენ წინა წლებში მათ მიერ მოყვანილი კარტოფილის საბითუმო ფასი საშუალოდ 20-25 თეთრი იყო1 კგ-ზე, წელს მოწეული 1 კგ კარტოფილის საბითუმო ფასმა კი საშუალოდ შეადგინა 45-47 თეთრი. ფასების ზრდის მიზეზად არ შეიძლება დასახელდეს ფასების ზოგადი ზრდა პროდუქციაზე, რადგანაც ინფლაციამ საშუალოდ მხოლოდ 5 თეთრის მატება გამოიწვია მაღალმთიან აჭარაში წარმოებული კარტოფილის საბითუმო ფასზე.

ერთდღიანი ბაზრობა წარმატებული აღმოჩნდა. გამოტანილ პროდუქტზე საკმაოდ დიდი მოთხოვნა დაფიქსირდა ბითუმად მოვაჭრეების მხრიდან. უკვე შუადღისათვის ბენეფიციარებს დასულებული ჰქონდათ მთელი პროდუქტის რეალიზება.