აქტივობების და ინფორმაციის არქივი
სამოქალაქო საზოგადოების ინსტიტუტი, სოციალურ სფეროზე ორიენტირებული საზოგადოებრივი ორგანიზაციების საარსებო გარემოს გაუმჯობესების პროექტის ფარგლებში, ჟურნალისტებისათვის აცხადებს კონკურსს სახელწოდებით: "ვიზრუნოთ ერთმანეთზე".
კონკურსის მიზანი
კონკურსის მიზანია ხელი შეუწყოს სოციალური თემების უფრო ფართოდ და ღრმად გაშუქებას.
კონკურსის პირობები
კონკურსში მონაწილეობის მიღება შეუძლია საქართველოში რეგისტრირებულ მედია-საშუალებებში სოციალურ თემებზე მომუშავე ნებისმიერ ჟურნალისტს.
საკონკურსო ნამუშევრების მიღება გრძელდება 10 თებერვლამდე.
მასალა წარმოდგენილი უნდა იყოს შემდეგი სახით:
- სატელევიზიო სიუჟეტი - CD-ზე ან ვიდეო კასეტაზე;
- რადიო სიუჟეტი - CD-ზე; სტატია - გაზეთი ან ჟურნალი, რომელშიც დაიბეჭდა სტატია (უკიდურეს შემთხვევაში ნაბეჭდი ტექსტი გამოცემის და თარიღის ზუსტი მითითებით);
- ფოტო - CD -ზე(JPG ფორმატში) და დაბეჭდილი A 4 ფორმატით;
- მასალის ჩაბარებისას მონაწილემ უნდა შეავსოს სპეციალური ანკეტა;
- საკონკურსოდ წარმოდგენილი მასალები გამოქვეყნებული ან ეთერში გასული უნდა იყოს 2007 წლის განმავლობაში.
კონკურსი ჩატარდება 4 ნომინაციაში:
- საუკეთესო საგაზეთო სტატია;
- საუკეთესო სატელევიზიო სიუჟეტი;
- საუკეთესო ფოტო ნამუშევარი;
- საუკეთესო რადიო სიუჟეტი;
თითოეულ ნომინაციაში გამოვლინდება 1 გამარჯვებული, რომელსაც გადაეცემა კონკურსის გამარჯვებულის დიპლომი და ფულადი ჯილდო 1000 ლარის ოდენობით.
კონკურსის მონაწილეებმა საკონკურსო მასალა უნდა წარმოადგინონ სამოქალაქო საზოგადოების ინსტიტუტის ოფისში, მისამართზე: ქ. თბილისი, 26 მაისის მოედანი 2, V სართული, ტელ. 941 605, 330 417, ვებ-გვერდი www.civilin.org/welfare
 |
|
|