სოციალურ თემებზე მომუშავე ჟურნალისტებისათვის სამოქალაქო საზოგადოების ინსტიტუტი აცხადებს კონკურსს: "ვიზრუნოთ ერთმანეთზე".
კონკურსის მიზანია ხელი შეუწყოს სოციალური თემების უფრო ფართოდ და ღრმად გაშუქებას.
კონკურსი ჩატარდება 4 ნომინაციაში:

• საუკეთესო სატელევიზიო სიუჟეტი;
• საუკეთესო რადიო სიუჟეტი;
• საუკეთესო სტატია;
• საუკეთესო ფოტო ნამუშევარი;

ნომინაციებში გამარჯვებულებს გადაეცემა კონკურსის გამარჯვებულის დიპლომი და ფულადი ჯილდო 1000 ლარი!

სამოქალაქო საზოგადოების ინსტიტუტის სამართლის პროგრამის ფარგლებში მიმდინარე წლის მაისი - ივლისში განხორციელდა საქართველოს შრომის კოდექსის მონიტორინგი. მონიტორინგი მიზნად ისახავდა საქართველოს შრომის კოდექსის ხარვეზების გამოვლენას და შესაბამისი რეკომენდაციების მომზადებას. მონიტორინგი ჩატარდა ფონდ "ღია საზოგადოება საქართველოსთან" პარტნიორობით მიმდინარე პროექტის "სამოქალაქო საზოგადოება კანონშემოქმედებით პროცესში" ფარგლებში.
კვლევა განხორციელდა თბილისსა და ბათუმში, წინასწარ შერჩეული სამიზნე ჯგუფების მიხედვით, მასში მონაწილეობდა 50-მდე რესპოდენტი (დასაქმებულები, დამსაქმებლები, მოსამართლეები, დამოუკიდებელი ექსპერტები, პროფკავშირები, ადვოკატები).
მონიტორინგის ანგარიში
რეკომენდაციები

2008 წლის 26-30 სექტემბერსა და 1-4 ოქტომბერს, თბილისში, საზოგადოებრივი მაუწყებლის საკონფერენციო დარბაზში, საზოგადოებრივი მაუწყებლის მაღალი და საშუალო რგოლის მენეჯერებისათვის ჩატარდა ტრენინგები პროექტებისა და დროის მართვის საკითხებზე.

მიმდინარე წლის 17 სექტემბერს, ეკონომომიკური განვითარების პროგრამის ფარგლებში ქ. ბათუმში გაიმართა ბაზრობა, რომელზედაც გამოტანილ იქნა სოფლის მეურნეობის განვითარების პროექტის პირველი წლის მოსავალი. აქციაში მონაწილეობა მიიღო 21 ბენეფიციარმა მთიანი აჭარიდან. სარეალიზაციოდ გამოტანილ იქნა 8 ტ. კარტოფილი, 1.5 ტონა პომიდორი და 25 კგ. თაფლი.

2008 წლის 12 - 19 სექტემბერს, ბათუმში, სასტუმრო "ინტურისტ პალასის" საკონფერენციო დარბაზში, აჭარის ავტონომიური რესპუბლიკის სამინისტროებისა და ტურიზმის დეპარტამენტის თანამშრომლებისათვის ჩატარდა ტრენინგები ადამიანური რესურსების მართვისა და ეფექტური კომუნიკაციის საკითხებზე.

2008 წლის 3-5 ივლისს, ბაზალეთის სასტუმრო კომპლექს "ბაზალეთში" "არასამეწარმეო სამართლის ევროპულმა ცენტრმა" (ECNL) "სამოქალაქო საზოგადოების ინსტიტუტთან" თანამშრომლობითა და ევროკავშირის (EU) ფინანსური მხარდაჭერით გამართა რეგიონალური კონფერენცია: "ხელისუფლების და სამოქალაქო საზოგადოების ურთიერთობა - ახალი პერსპექტივები".

2008 წლის 27-29 ივნისს, ბათუმში, სასტუმრო "თანამგზავრში", ყოფილი სამხრეთ ოსეთის ავტონომიური ოლქის ტერიტორიაზე დროებითი ადმინისტრაციის მთავრობის წევრებისა და თვითმმართველი ერთეულების წარმომადგენლებისათვის სამდღიანი ტრენინგი ჩატარდა საბიუჯეტო სისტემისა და ფინანსური მენეჯმენტის საკითხებზე.

ტრენინგი მიზნად ისახავდა დროებითი ადმინისტრაციის წარმომადგენელთა თეორიული ცოდნის ამაღლებასა და მათთვის პრაქტიკული უნარ-ჩვევების გამომუშვებას ბიუჯეტის მომზადების, შესრულების, ანგარიშგებისა და კონტროლის საკითხებში.

2008 წლის 13-21 ივნისს, დაბა ბაკურიანში, სასტუმრო "ვიქტორიაში", აჭარის ავტონომიური რესპუბლიკის სამინისტროებისა და ტურიზმის დეპარტამენტის თანამშრომლებისათვის ჩატარდა ტრენინგი საჯარო ადმინისტრირების სიახლეებისა და პროექტისა და გუნდის მართვის საკითხებზე.

"არასამეწარმეო კანონმდებლობის სრულყოფის" პროექტის ფარგლებში, რომელიც ხორციელდება ECNL-თან თანამშორომლობით და ევროკავშირის ფინანსური მხარდაჭერით, შემუშავდა კანონპროექტი "სახელმწიფო გრანტების შესახებ". კანონპროექტი შეიმუშავა სამუშაო ჯგუფმა, რომლის შემადგენლობაში შედიან სამოქალაქო საზოგადოების ინსტიტუტის წარმომადგენლები და მოწვეული ექსპერტები. მუშაობის საწყის ეტაპზე განიხილებოდა ვარიანტი, რომ სახელმწიფო გრანტების გაცემის საკანონმდებლო რეგულაციები შესულიყო მოქმედ კანონში "გრანტების შესახებ". თუმცა სახელმწიფო გრანტების გაცემის სპეციფიკიდან გამომდინარე, რომელიც არსებითად განსხვავდება კერძო სუბიექტებს შორის არსებული საგრანტო ურთიერთობებიდან, გადაწყდა ცალკე კანონპროექტის შემუშავება.

სამოქალაქო საზოგადოების ინსტიტუტის ექსპერტებმა ECNL/EU ფინანსური მხარდაჭერით, სამეგრელოს რეგიონში მოქმედი არასამთავრობო ორგანიზაციებისათვის, ქალაქ ზუგდიდში ჩაატარეს სამდღიანი ტრენინგი. მონაწილეობა მიიღო 10 არასამთავრობო ორგანიზაციის 18 წარმომადგენელმა. თემატიკა ერთი მხრივ შეირჩა არასამეწარმეო კანონმდებლობაში განხორციელებული ცვლილებების, ხოლო მეორე მხრივ სამოქალაქო საზოგადოების ინსტიტუტში შემოსული შეკითხვების შესაბამისად. კერძოდ, შემდეგ სამართლებრივ საკითხებზე:

• არასამეწარმეო იურიდიული პირების დაფუძნება და რეგისტრაცია;
• საქველმოქმედო ორგანიზაციის სტატუსის მიღება;
• სახელმწიფო შესყიდვებში მონაწილეობა.

უკვე ერთი წელია სამოქალაქო საზოგადოების ინსტიტუტი, ოქსფამი საქართველოს ფინანსური მხარდაჭერით ახორციელებს აგრო პროექტს, რომლის მიზნია სამეგრელოსა და აჭარის რეგიონებში ინტენსიური სასოფლო�სამეურნეო წარმოების ტექნოლოგიების შემოღების ხელშეწყობა, სოფლისმეურნეობით დაკავებული ღარიბი მოსახლეობის ცნობიერების ამაღლება და სასოფლო სამეურნეო უნარ�ჩვევების განვითარება.

5 მარტს, სასტუმრო "ქორთიარდ მარიოტში" გაიმართა სოციალურ თემებზე მომუშავე ჟურნალისტთა კონკურსში გამარჯვებულების დაჯილდოება. ღონისძიებას ესწრებოდნენ მედიის, საერთაშორისო და ადგილობრივი არასამთავრობო ორგანიზაციების წარმომადგენლები.

მიმდინარე წლის 27-29 თებერვალს ქ. თბილისში, სასტუმრო თორში სოციალურ სფეროზე ორიენტირებული საზოგადოებრივი ორგანიზაციებისათვის ჩატარდა ტრენინგი "ეფექტური ორგანიზაციის მოდელი, მართვის საფუძვლები და მენეჯერის უნარჩვევები".

ტრენინგის მიზანად ისახავდა მონაწლეთათვის ეფექტური ორგანიზაციის მოდელის გაცნობას, მართვის ზოგადი პრინციპების და ახალი მდგომების სწავლებას, მართვის პრაქტიკული უნარ-ჩვევების გაუმჯობესებას.

2008 წლის 16-17 თებერვალს ბათუმში, სასტუმრო "ინტურისტში", აჭარის ავტონომიური რესპუბლიკის მთავრობის აპარატის დეპარტამენტების ხელმძღვანელებისა და თანამშრომლებისათვის გაიმართა შემუშავებული შრომითი რესურსების მართვისა და პროექტების მართვის სახელმძღვანელოების პრეზენტაცია.

2007 წლის 4-6 თებერვალს ბაკურიანში, სასტუმრო "ვილავიტაში" ყოფილი სამხრეთ ოსეთის ავტონომიური ოლქის ტერიტორიაზე დროებითი ადმინისტრაციის თანამშრომლებისათვის გაიმართა სამდღიანი ტრენინგი მართვისა და მართვის ორგანიზაციის საფუძვლებში. ტრენინგი დროებითი ადმინისტრაციის ინსტიტუციონალური განვითარებისა და მხარდაჭერის პროექტის პირველი ეტაპის ფარგლებში გაიმართა და რიგით მესამე ღონისძიებაა.