|
წინაისტორია
1994 წელს საქართველოს ეკონომიკის რეფორმირების და განვითარების საერთაშორისო
ცენტრში შეიქმნა ბიზნეს სამართლის დეპარტამენტი, რომელიც 1995 წლის ბოლოს
გამოეყო მას და 1996 წლის 8 თებერვალს რეგისტრაცია გაიარა "საქართველოს
ბიზნეს სამართლის ცენტრის" სახელწოდებით. სწორედ ამ სახელით გაიცნო იგი
ქართულმა საზოგადოებამ და საერთაშორისო თანამეგობრობამ. 2002 წელს
ორგანზაციის საქმიანობების არეალის მკვეთრი გაფართოების გამო და მართვის
სტრუქტურის ოპტიმიზაციის მიზნით გამგეობამ შეიმუშავა რეორგანიზაციის
ერთწლიანი გეგმა. გარდაქმნების შედეგად 2003 წლის 25 ივნისიდან ბიზნეს
სამართლის ცენტრი ფონდ სამოქალაქო საზოგადოების ინსტიტუტად ჩამოყალიბდა.
მისია
ინსტიტუტი ქვეყანაში დემოკრატიული ღირებულებების დამკვიდრებით, საზოგადოების
განათლებით და მისი სამოქალაქო აქტიობის ამაღლებით, სამოქალაქო საზოგადოების
აქტორებისათვის ეფექტური საარსებო გარემოს შექმნით ხელს უწყობს საქართველოში
სამოქალაქო საზოგადოების და სამართლებრივი სახელმწიფოს ჩამოყალიბებას და
განვითარებას.
მიზნები
-
სამოქალაქო საზოგადოებისა და სამართლებრივი სახელმწიფოს ეფექტური
ფუნქციონირებისათვის აუცილებელი სამართლებრივი გარემოს ფორმირება;
-
საზოგადოებაში სამართალშეგნების დონის ამაღლება და კანონისადმი პატივისცემის
დამკვიდრება;
სამოქალაქო საზოგადოების ორგანიზაციების განვითარება;
-
საზოგადოების სამოქალაქო აქტიობის ზრდა;
ხელისუფლების ეფექტური ინსტიტუტების და ორგანიზაციების ფორმირება და
განვითარება;
-
საჯარო ადმინისტრირების დონის ამაღლება;
-
ეფექტური საჯარო პოლიტიკის ფორმირება;
-
ქვეყნის ეკონომიკური განვითარების ხელშეწყობა;
-
დასაქმების დონის ამაღლება და სიღარიბის დაძლევა;
-
ბიზნესისათვის ხელსაყრელი გარემოს ფორმირება.
სამოქალაქო საზოგადოების ინსტიტუტის წლის წლიური
ანგარიშები
|
