სამოქალაქო საზოგადოების ინსტიტუტმა „სოციალურ სფეროზე ორიენტირებული საზოგადოებრივი ორგანიზაციებისთვის ეფექტური საარსებო გარემოს გაუმჯობესების“ პროექტის ფარგლებში 2010 წლის მაისში გამოაცხადა საგრანტო კონკურსი, რომლის მიზანიც იყო საქართველოში ზრუნვაზე ორიენტირებული საზოგადოებრივი ორგანიზაციების ინსტიტუციონალური მდგრადობის და განვითარების ხელშეწყობა.

საკონკურსოდ 40–ზე მეტმა ზრუნვაზე ორიენტირებულმა ორგანიზაციამ შემოიტანა პროექტი, რომელთაგან ჟიურიმ 4 ორგანიზაციის პროექტს მიანიჭა უპირატესობა. შესაბამისად, კონკურსი გაიმარჯვა შემდეგმა ორგანიზაციებმა:

• "ბავშვი და გარემო";
• გურიის რეგიონის ინვალიდთა ასოციაცია;
• უსინათლოთა და მცირემხედველთა ასოციაცია "უსინათლოები საზღვრებს გარეშე";
• კავშირი "ია".

პროექტის განხორციელებისთვის თითოეული მათგანი მიიღებს 3000 ევროს გრანტის სახით

25-27 ივნისს ბაკურიანში ჩატარდა სამუშაო შეხვედრა, რომელიც ეძღვნებოდა საზოგადოებრივი ორგანიზაციების განვითარების ეფექტურობის საკითხებს. შეხვედრა ორ ძირითად მიზანს ისახავდა: ერთის მხრივ ქართული საზოგადოებრივი ორგანიზაციების ჩართვას განვითარების ეფექტურობის გლობალურ პროცესში, რომელიც საზოგადოებრივი ორგანიზაციების განვითარების ეფექტურობის ღია ფორუმის ეგიდით მიმდინარეობს და მეორეს მხრივ, საქართველოში საზოგადოებრივი ორგანიზაციების განვითარების ეფექტურობის ძირითადი მიმართულებების განსაზღვრას.

სამუშაო შეხვედრას ესწრებოდა 35 წარმომადგენელი, მათგან 27 საზოგადოებრივი ორგანიზაციებიდან, 7 დონორი ორგანიზაციებიდან და 2 ხელისუფლებიდან და ადგილობრივი თვითმმართველობიდან. შეხვედრა ორგანიზებული იყო სამოქალაქო საზოგადოების ინსტიტუტის მიერ. ფინანსური მხარდაჭერა უზრუნველყოფილი იყო ევროპის არასამთავრობო ორგანიზაციების კონფედერაციის - CONCORD და ფონდ ღია საზოგადოება საქართველოს მიერ.

იხილეთ შეხვედრის მოკლე ანგარიში

საზოგადოებრივი ორგანიზაციების ეფექტური განვითარების ეროვნული კონსულტაცია, ვიდეო ანგარიში

სრული ანგარიში

2010 წლის 23 და 24 ივლისს, საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა სამინისტროს იურიდიული დეპარტამენტის თანამშრომლებისათვის ჩატარდა ტრენინგი კანონშემოქმედებითი საქმიანობისა და საკანონმდებლო ტექნიკის საკითხებზე.

2010 წლის 9, 10 და 17 ივლისს, საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა სამინისტროს იურიდიული დეპარტამენტის თანამშრომლებისათვის ჩატარდა ტრენინგი საქართველოს ზოგადი ადმინისტრაციული, ადმინისტრაციული საპროცესო, სამოქალაქო საპროცესო კანონმდებლობისა და სასამართლო წარმოების საკითხებზე.

2010 წლის 3, 5 და 6 ივლისს, საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა სამინისტროს იურიდიული დეპარტამენტის თანამშრომლებისათვის ჩატარდა ტრენინგი იძულებით გადაადგილებულ პირთა შესახებ კანონმდებლობისა და იძულებით გადაადგილებულ პირთა დაცვის მექანიზმების საკითხების შესახებ.

2010 წლის 2 ივნისს, ოზურგეთს ეწვია ევროკავშირის ელჩი პერ ეკლუნდი. ვიზიტის ფარგლებში ელჩმა მოინახულა, გურიაში მოქმედი არასამთავრობო ორგანიზაციები, რომლებიც ახორციელებენ ევროკავშირის მიერ დაფინანსებულ პროექტებს.
2009 წლიდან სამოქალაქო საზოგადოების ინსტიტუტი, რეგიონულ პარტნიორებთან თანამშრომლობით და ევროკავშირის ფინანსური მხარდაჭერით ახორციელებს პროექტს - "თვითმმართველობის განვიათრების ხელშეწყობა საქართველოში". პროექტის ძირითადი მიზანია მოსახლეობასა და თვითმმართველ ერთეულებს შორის თანამშრომლობის გაზრდის გზით (ჩართულობის გაზრდა), თვითმმართველობის ეფექტურობისა და გამჭვირვალობის ამაღლება. პროექტის ფარგლებში საქართველოს 4 რეგიონში, შეირჩა და ტრენინგი გაიარა 151 ლიდერმა, მათ შორის 37 იყო გურიის რეგიონიდან.

სამოქალაქო საზოგადოების ინსტიტუტი "სოციალურ სფეროზე ორიენტირებული საზოგადოებრივი ორგანიზაციებისთვის ეფექტური საარსებო გარემოს შექმნის" პროექტის ფარგლებში აცხადებს საგრანტო კონკურსს ინსტიტუციონალური განვითარებისთვის.

კონკურსის მიზანია საქართველოში ზრუნვაზე ორიენტირებული საზოგადოებრივი ორგანიზაციების ინსტიტუციონალური მდგრადობის და განვითარების ხელშეწყობა.

სამოქალაქო საზოგადოების ინსტიტუტმა, 26 მარტს ჩაატარა ტრენინგი არასამეწარმეო იურიდიული პირების შიდა რეგულაციებისა და სანიმუშო დოკუმენტების საკითხებზე. ტრენინგს ესწრებოდნენ სოციალურ საკითხებზე მომუშავე საზოგადოებრივი ორგანიზაციების წარმომადგენლები. ტრენინგი მოიცავდა ისეთ საკითხებს, რომელთა გამოყენება ხშირად უწევთ არასამეწარმეო (არაკომერციული) ორგანიზაციებს, კერძოდ, შრომის შინაგანაწესი, ხელშეკრულებები (ნასყიდობის, ქირავნობის, მომომსახურების, შრომითი), ასევე გაეცნენ შესყიდვების დებულებას. აღნიშნული საკითხების გაცნობა ხელს შეუწყობს და დაეხმარება საზოგადოებრივ ორგანიზაციებს საქმიანობის ხარისხიანად და ეფექტურად განხორციელების უზრუნველყოფაში.